غاصب اسرائیل کا ایک اور اسکول میں قائم پناہ گزین کیمپ پر حملہ، 22 فلسطینی شہید

غزہ : صیہونی فوج نے غزہ میں ایک اور اسکول میں قائم پناہ گزین کیمپ کو نشانہ بنادیا۔ صیہونی فوج نے غزہ سٹی میں اسکول کی عمارت پر میزائل داغے جس سے عمارت کا بڑا حصہ ملیامیٹ ہوگیا اور خواتین اور بچوں سمیت بائیس فلسطینی شہید اور پچاس سے زائد زخمی ہوگئے۔ اس سے قبل اسرائیلی فوج نے المواصی، النصیرات، خان یونس اور دیر البلاح پر شدید حملے کیے۔ صبح سے جاری حملوں میں 47 فلسطینی شہید اور ایک سو ساٹھ سے زائد زخمی ہوئے۔ رفح میں حماس اور اسرائیلی فوج میں جھڑپیں ہوئی ہیں۔ فلسطینی وزارت صحت نےکہاہے کہ شمالی غزہ کے علاقے مصباح پر حملے میں اس کے طبی عملے کے پانچ ارکان بھی شہید ہوئے ہیں۔