عزاداری پر کسی قسم کی قدغن برداشت نہیں کی جائے گی، شیعہ علما کونسل

لاہور : شیعہ علماء کونسل نے اربعین سے متعلق ڈی پی او لودھراں کی طرف سے جاری کردہ اعلامیہ کی شدید مذمت کی ہے اور اسے واپس لینے کا مطالبہ کیا ہے۔ ایس یو سی کے مختلف رہنماؤں نے کہا کہ عزاداری میں کوئی رکاوٹ برداشت نہیں کی جائے گی۔ مرکزی نائب صدر علامہ سید سبطین حیدر سبزواری نے کہا کہ پولیس عزاداروں کو دھمکیاں نہیں، سہولت دے، ملت جعفریہ کسی قسم کی دھمکیوں اور دہشتگردی سے مرعوب ہونے والی نہیں۔ مرکزی سیکریٹری جنرل علامہ شبیر حسن میثمی نے کہا کہ سال بھر ملک میں مجالس اور جلوسوں کے منتظمین و عزاداروں پر ایف آئی آرز کے اندراج پر سخت الفاظ میں تحفظات کا اظہار کرتے ہوئے ان اقدامات کو آئین، قانون و بنیادی حقوق اور شہری آزادیوں کی کھلم کھلا خلاف ورزی قرار دیا۔ انہوں نے مطالبہ کیا کہ مجالس و جلوسوں پر درج تمام ایف آئی آرز ختم کی جائیں۔ اربعین کے جلوسوں اور مجالس میں رکاوٹیں ڈالنا بنیادی انسانی اور شہری حقوق کے منافی ہے اس لیے واضح کرنا چاہتے کہ عزاداری سید الشہداء پر کسی قسم کی قدغن برداشت نہیں کی جائے گی۔