مکہ پر کوئی حملہ نہیں کیا سعودی حکومت ہمدردیاں سمیٹنے کیلئے جھوٹ پھیلا رہی ہے، انصار اللہ

صنعا: انصار اللہ (یمن) کے سیاسی دفتر کے رکن محمد الفرح نے یمنی فوج کی جانب سے مکہ مکرمہ کو نشانہ بنانے کے دعوے کو سراسر جھوٹ قرار دیا ہے اور کہا کہ یمنی عوام اسلامی مقدسات کے تحفظ کے حوالے سے سب سے زیادہ حساس ہیں۔ الفرح نے الزام لگایا کہ متجاوز ریاض رجیم اپنی داخلی ناکامیوں سے توجہ ہٹانے کے لیے جھوٹے بہانوں کا سہارا لے رہی ہے اور بین الاقوامی حمایت حاصل کرنے کے لیے مسلمانوں کو اپنے ساتھ متحرک کرنے کی کوشش کر رہی ہے۔ الفرح نے کہا کہ بحران کا واحد حل جارحیت روکنا، محاصرہ ختم کرنا اور یمن کو چھوڑنا اور برسوں کی جنگ و تباہی سے ہونے والے نقصانات کا ازالہ کرنا ہے۔