امریکا کی نئی تجاویز کا جائزہ لیا جارہا ہے، ایرانی ترجمان

تہران : ایران نے کہاہےکہ امریکا سے نئی تجاویز ملی ہیں جن کا جائزہ لیا جارہا ہے۔ ایرانی وزارت خارجہ کے ترجمان اسماعیل بقائی کا کہنا ہے کہ امریکا اور ایران کے درمیان مجوزہ جنگ بندی دستاویز کے نکات پر پاکستان کے ذریعے کئی بار پیغامات کا تبادلہ ہوا ہے ۔ پاکستان کے ذریعے امریکا سے نئی تجاویز موصول ہوئی ہیں۔ جن کا جائزہ لیا جا رہا ہے۔ ہم بنیادی طور پر جو چاہتے ہیں وہ مطالبہ نہیں بلکہ ہمارے حقوق ہیں۔ ترجمان نے کہا کہ پاکستان کے وزیر داخلہ پیغامات کے تبادلے میں سہولت فراہم کرنے کےلیے ایران میں موجود ہیں۔ ان کا کہنا تھا کہ عمان اور بین الاقوامی اداروں کے ساتھ ہم آہنگی سے آبنائے ہرمز کی پائیدار سلامتی یقینی بنانے کے لیے میکنزم قائم کرنا چاہتے ہیں۔ اسماعیل بقائی کا کہنا تھا کہ ایران دیگر ممالک کے تعاون سے محفوظ بحری آمدورفت کے پروٹوکول قائم کرنے کے لیے تیار ہے۔