نیتن یاہو جنگ بندی معاہدے کو ناکام کرنے کی کوشش کر رہے ہیں، حماس

غزہ: حماس کا کہنا ہے کہ اسرائیلی وزیراعظم بنیامین نیتن یاہو غزہ جنگ بندی کے معاہدے کو ’ناکام‘ کرنے کی کوشش کر رہے ہیں، حماس علاقے سے مکمل اسرائیلی انخلاء کا مطالبہ کر رہی ہے اور سرحدی علاقے پر نیتن یاہو کے اصرار کا مقصد معاہدے تک رسائی کو ناکام بنانا ہے۔ حماس کا کہنا ہے کہ ایک نیا معاہدہ غیر ضروری ہے کیونکہ انہوں نے مہینوں پہلے امریکی صدر جو بائیڈن کی طرف سے بیان کردہ جنگ بندی کے معاہدے پر اتفاق کیا تھا۔ حماس نے ٹیلی گرام پر کہا کہ ہمیں نئی تجاویز کی ضرورت نہیں ہے۔ حماس نے مزید کہا گیا ہے کہ ہم نیتن یاہو اور اس کی چالوں کے جال میں پھنسنے کے خلاف ہیں جو ہمارے لوگوں کے خلاف جارحیت کو طول دینے کے لیے مذاکرات کا استعمال کرتے ہیں۔