Raza Musani 
جوہانسبرگ: جنوبی افریقا کے الیکشن میں نیلسن منڈیلا کی پارٹی افریقن نیشنل کانگریس تیس سال میں پہلی بار پارلیمنٹ میں اکثریت سے محروم ہوگئی۔ جنوبی افریقا میں بدھ کو ہونے والے انتخابات میں حکمران جماعت اے این سی کو صرف چالیس فیصد ووٹ ملے ہیں۔اپوزیشن جماعت ڈیموکریٹک الائنس نے اکیس فیصد۔ سابق صدر جیکب زوما کی ایم کے پارٹی نے 14 فیصد جبکہ اکنامک فریڈم فائٹرز نے نو فیصد سے زائد ووٹ لئے ہیں۔ اپوزیشن جماعتوں نے انتخابی نتائج کو اہم کامیابی قرار دیا ہے۔ اپوزیشن نے کہاہے کہ ان کا ملک شدید غربت اور عدم مساوات سے نبرد آزما ہے۔ اکثریت نہ ہونے کے باوجود اے این سی سب سے بڑی پارٹی بن کر ابھری ہے۔ اسے دوبارہ حکومت بنانے اور صدر سیرل رامافوسا کو دوبارہ منتخب کرنے کے لیے اتحاد کا سہارا لینا پڑے گا۔
