Raza Musani 
تہران : ایران کے وزیر خارجہ حسین امیرعبداللهیان نے کہا ہے کہ مذاکرات برائے مذاکرات قابل قبول نہیں بلکہ ایک اچھے معاہدے کیلئے مذاکرات قابل قبول ہیں۔ ایک انٹرویو میں حسین امیرعبداللهیان نے کہاکہ ٹرمپ حکومت سخت پابندیاں لگانے کے باوجود ایران کو گوشہ نشین کرنے میں کامیاب نہیں ہوسکی۔ انہوں نے کہا کہ ہم ویانا میں مذاکرات برائے مذاکرات کیلئے نہیں گئے بلکہ ہمارا اصل مقصد ایک اچھے معاہدے تک رسائی ہے۔ انہوں نے اس بات پر زور دیا کہ مغربی فریقین کی حکمت عملی اور لچک سے چند گھنٹوں میں مذاکرات نتیجے تک پہنچ جائیں گے۔ ایران اور امریکا کے درمیان براہ راست مذاکرات سے متعلق سوال پر کہا کہ ہمارے اور امریکیوں کے درمیان بد اعتمادی کی اونچی دیوار کھڑی ہے۔
