Raza Musani 
اسلام آباد : مجلس وحدت مسلمین نے ملک کی موجودہ سیاسی صورتحال کے تناظر میں مذہبی قیادت کو ایک پلیٹ فارم پر لانے کی کوشش شروع کردی ہے۔ متفقہ قومی بیانیہ کیلئے جلد ہی وحدت کانفرنس کا اہتمام کیا جائے گا یہ بات مرکزی سیکریٹری سیاسیات اسد عباس نقوی نے کنونشن کور کمیٹی سے گفتگو میں کہی۔ انہوں نے کہا کہ ملی و ملکی اور بین الاقوامی صورت حال کے تناظر میں اپنے وظیفہ شرعی کی بنیاد پر حکمت عملی ترتیب دینے کے لئے یہ کانفرنس انتہائی مؤثر ثابت ہو گی ۔ کہ اسلام کے ماننے والوں نے پوری دنیا میں اپنے اپنے وطن کے دفاع میں کلیدی کردار ادا کیا ہے وطن عزیز پاکستان کےعوام بھی دینی قیادت سے راہنمائی حاصل کرنا چاہتے ہیں دینی طبقات کی ذمہ داری بہت بڑھ جاتی ہے۔ ملت کے علما ء کے رہبرانہ کردار کے تعین اور منظم سازشوں اور خطرات کا نظم کے ساتھ مقابلہ کرنے کے لئے دینی قیادت کو صف اول پر کھڑے ہو کر قائدانہ کردار اد اکر کے پاکستان کو اس بھنور سے نکالنا ہو گااور پاکستان میں بیرونی مداخلت، فوج، عدلیہ اور دیگر اداروں کے خلاف ہونیوالی سازشوں کا مقابلہ کرنا ہو گا۔
