Raza Musani 
نصیرآباد: بلوچستان کے ضلع نصیرآباد میں نوتال کے قریب مقابلے میں 4 مبینہ دہشت گرد ہلاک اور 2 پولیس اہلکار زخمی ہوگئے۔ دہشت گردوں سے تین دستی بم، ریموٹ کنٹرول ڈیوائس، کلاشنکوف اور بارودی مواد برآمد کرلیا گیا۔ نصیر آباد میں نوتال قومی شاہراہ پر کاؤنٹر ٹیررازم ڈیپارٹمنٹ کی گاڑی پر دہشت گردوں نے حملہ کیا۔ جس سے اے ایس آئی سمیت دو سی ٹی ڈی اہلکار شدید زخمی ہوئے۔ دہشتگردوں کی عمریں 28 سے 30 سال کے درمیان ہیں ۔ دو دہشت گردوں کو گوٹھ اکبر خان بگٹی صحبت پور کے رہائشی کے طور پر شناخت کیا گیا ہے۔
