حزب اللہ کے حملوں میں زخمی 5,650 سے زائد اسرائیلی فوجیوں کو طبی مراکز میں داخل کیا گیا

تل ابیب: صہیونی طبی مراکز الجلیل اور زیف نے اعتراف کیا کہ حزب اللہ کے ساتھ جنگ کے دوران زخمی ہونے اور نفسیاتی بیماریوں کی وجہ سے تقریباً 6 ہزار فوجیوں کو طبی مراکز میں داخل کیا گیا۔ صہیونی اخبار کی رپورٹ کے مطابق 5,650 صہیونی فوجیوں کو گذشتہ سال اکتوبر سے حزب اللہ کے حملوں کے دوران زخمی ہونے یا مختلف نفسیاتی بیماریوں میں مبتلا ہونے کے بعد ان طبی مراکز میں منتقل کیا گیا ہے، یہ فوجی مقبوضہ شمالی محاذ میں عسکری سرگرمیوں میں مصروف تھے۔