Raza Musani 
تہران : ایرانی صدر ابراہیم رئیسی اور کابینہ کے ارکان نے عشرہ فجر کی مناسبت سے حضرت امام خمینی (رہ) کے حرم مطہر پر حاضر ہوکر فاتحہ خوانی کی اور تجدید عہد کیا۔
اس موقع پر آیت اللہ ابراہیم رئیسی نے کہا کہ اسلامی جمہوریہ کے خلاف امریکا کی زیادہ سے زیادہ دباؤ کی پالیسی ایران کی شدید مزاحمتی مہم کے سامنے ناکام ہو گئی ہے۔ ایرانی صدر ابراہیم رئیسی نے کہا کہ خود امریکی حکام نے بھی زیادہ سے زیادہ دباؤ کی پالیسی کی ناکامی کا اعتراف کیا ہے۔ ایرانی صدر نے کہا کہ جب امریکی باضابطہ طور پر تسلیم کرتے ہیں کہ وہ زیادہ سے زیادہ دباؤ میں ناکام رہے ہیں تو یہ ایک شرمناک ناکامی ہے، یہ ایرانی قوم کی فتح ہے۔ آج بغاوت اور پابندیوں کے خلاف قوم کی زیادہ سے زیادہ مزاحمت کا نتیجہ نکلا ہے اور زیادہ سے زیادہ دباؤ ناکام ہو گیا ہے۔
