Raza Musani 
تہران : وزیر داخلہ محسن نقوی کی تہران میں ایرانی وزیرخارجہ عباس عراقچی سے ملاقات ہوئی۔ایرانی میڈیا کے مطابق ملاقات میں دوطرفہ تعلقات، خطے کی مجموعی صورتحال اور جاری سفارتی پیش رفت پر تبادلہ خیال کیا گیا۔ ملاقات ایسے وقت میں ہوئی ہے جب ایران نے امریکا کیلئے اپنی تازہ تجاویز اسلام آباد کے ذریعے بھجوانے کے بعد سفارتی سرگرمیاں مزید تیز کر دی ہیں۔ گزشتہ روز محسن نقوی کی ایرانی صدر اور ایرانی پارلیمنٹ کے اسپیکر سے علیحدہ علیحدہ ملاقات ہوئی تھی۔ اس سے قبل ان کی ملاقات ایرانی ہم منصب سے بھی ہوئی تھی۔
