حزب اللہ کے صیہونی دفاعی تنصیبات اور فوجی اڈوں پر میزائل اور راکٹ حملے

بیروت : حزب اللہ نے مقبوضہ علاقوں میں صیہونی دفاعی تنصیبات اور فوجی اڈوں پر میزائل اور راکٹ حملے کردیے۔ حزب اللہ نے مقبوضہ قصبوں شاعل، حتسور اور دلتون پر متعدد میزائل داغے ہیں۔ اسرائیلی میڈیا کے مطابق صیہونی فضائیہ کے اڈے میرون پر بھی کئی میزائل حملے ہوئے ہیں۔ حزب اللہ اور فلسطینی مقاومت کے حملوں کی وجہ سے صیہونی فوج کو افرادی قوت کی شدید کمی کا سامنا ہے۔ افرادی قوت میں کمی کی وجہ سے صیہونی فوج کے شمالی اور جنوبی سرحدوں پر مقاومت کے حملوں کو روکنا مشکل ہوگیا ہے۔