Raza Musani 
اسلام آباد : ملی یکجہتی کونسل کے وفد نے کونسل کے سیکریٹری جنرل لیاقت بلوچ کی سربراہی میں اسلامی جمہوریہ ایران کے سفیر سید محمد علی حسینی سے ملاقات کی۔ ملاقات میں لیاقت بلوچ کے علاوہ ملی یکجہتی کونسل کے ڈپٹی سیکریٹری جنرل سید ثاقب اکبر، جمعیت علمائے پاکستان کے سیکریٹری جنرل پیر صفدر گیلانی، اسلامی تحریک کے نائب صدر علامہ عارف حسین واحدی، جماعت اہل حدیث کے امیر حافظ عبدالغفار روپڑی، مجلس وحدت مسلمین کے جنرل سیکریٹری سید ناصر عباس شیرازی، جمعیت علمائے اسلام سینیئر کے مرکزی رہنماء پیر عبدالشکور نقشبندی، جمیعت علمائے پاکستان کے مرکزی رہنماء طاہر تنولی، تحریک جوانان پاکستان کے سربراہ عبداللہ گل، ملی یکجہتی کونسل شمالی پنجاب کے صدر ڈاکٹر طارق سلیم، صوبہ شمالی پنجاب کے سیکریٹری جنرل علامہ جعفر نقوی اور دیگر شامل تھے۔ اس موقع پر شرکاء نے امت مسلمہ کو درپیش مسائل اور پاک، ایران تعلقات کے حوالے سے گفتگو کی۔
