روس کیخلاف میڈیا وار پر ایک ارب ڈالر سے زائد کے اخراجات

ماسکو : روس کے انٹرنیٹ سیکیورٹی کے ادارے کے سربراہ یکاترینا میزولینا کا کہنا ہے کہ یوکرین میں فوجی آپریشن کے آغاز سے لے کر اب تک روس کیخلاف پروپیگیںڈا وار اور جعلی خبریں شائع کرنے کے لئے ایک ارب ڈالر خرچ کئے گئے ہیں۔ 24 فروری سے اب تک 54 لاکھ جعلی خبریں اور اطلاعات نشر کی گئیں۔ مغربی حکومتوں نے روس کے خلاف مہم شروع کی تھی جس کیلئے روزانہ 21 ملین ڈالر یعنی دو ارب روبل سے زیادہ خرچ کئے گئے۔ روس کے انٹرنیٹ ادارے کے سربراہ نے کسی خاص ملک کی جانب اشارہ نہیں کیا لیکن روسی حکام نے بارہا مغربی حکام اور میڈیا پر روس کے بارے میں جعلی اور چھوٹی خبریں شائع کرنے کا الزام عائد کیا ہے۔ کچھ مغربی ذرائع نے یوکرین کے خلاف روس کے فوجی آپریش کے آغاز سے ہی ایک بڑا بجٹ یوکرین کے بارے میں خبریں شائع کرنے سے مخصوص کر دیا ہے جس میں برطانیہ کے سرکاری چینل بی بی سی کا نام بھی لیا جا سکتا ہے کیونکہ برطانوی حکومت نے بی بی سی کا بجٹ بڑھا دیا ہے۔