ملائشیا کا اسرائیل کو عالمی فوجداری عدالت لے جانے کا فیصلہ

کوالالمپور: ملائیشیا نے گلوبل صمود فلوٹیلا کے رضاکاروں پر تشدد اور غیرانسانی سلوک پر اسرائیل کو انٹرنیشل کورٹ آف جسٹس آئی سی جے میں لے جانے کی تیاری کر لی۔ ملائیشیا کی ریاست سیلانگور کے وزیر اعلیٰ امیر الدین شاری نے کہا ہے کہ حکومت اسرائیل کے خلاف بین الاقوامی عدالت انصاف میں مقدمہ دائر کرنے کے لیے تیار ہے۔ انہوں نے کہا کہ ملائیشیا قانونی کارروائی اس وقت شروع کرے گا جب وکلاء تمام شواہد اور دستاویزات مکمل کر لیں گے۔ ان کے مطابق گلوبل صمود فلوٹیلا کے 400 سے زائد رضاکاروں کو بین الاقوامی پانیوں میں نشانہ بنایا گیا اور حراست میں لیا گیا۔ انہوں نے الزام عائد کیا کہ رضاکاروں کو اغوا کیا گیا اور ان کے ساتھ بدسلوکی کی گئی۔ یہ اقدامات بین الاقوامی قانون کی خلاف ورزی ہیں اور اسی بنیاد پر معاملہ عالمی عدالت میں لے جایا جائے گا۔ انہوں نے مزید کہا کہ قانونی چارہ جوئی کے ساتھ ساتھ سفارتی دباؤ بھی جاری رکھا جائے گا تاکہ غزہ کے لیے انسانی ہمدردی کی بنیاد پر امدادی سرگرمیوں کو تحفظ مل سکے۔