Raza Musani 
عدیس ابابا : افریقی یونین کے سربراہی اجلاس میں صیہونی حکومت کو بڑی رسوائی کا سامنا کرنا پڑا اور اسرائیل کو مبصر کا درجہ دینے کا فیصلہ معطل کردیا گیا۔ ایتھوپیا کے دارالحکومت عدیس ابابا میں اجلاس نے 7 سربراہان مملکت پر مشتمل ایک کمیٹی تشکیل دی جو اس مسئلے پر سفارشات پیش کرے گی۔ مصر، الجزائر، جزیرہ کوموروس، تیونس، جبوتی، موریطانیا اور لیبیا نے اسرائیل کی افریقی یونین میں بطور مبصر رکنیت کی سخت مخالفت کی تھی اور کمیشن کے سربراہ کو جمع کرائے گئے نوٹس میں افریقی یونین کی فلسطینی حمایت کی پالیسی کا حوالہ دیتے ہوئے اسرائیل کی شمولیت پر سخت اعتراض کیا تھا۔
