Raza Musani 
لندن: برطانیہ میں فلسطینی حامی تنظیم فلسطین ایکشن کے کارکنوں کو دہشت گردی کے الزام میں سزا سنائے جانے کا انکشاف سامنے آگیا۔ رپورٹ کے مطابق جیوری سے اس الزام کو خفیہ رکھا گیا تھا۔
فلسطین ایکشن کے چار کارکنوں کو دہشت گردی کے الزامات میں سزا دیے جانے کا انکشاف رپورٹنگ پر پابندیاں ختم ہونے کے بعد سامنے آیا۔ لندن کی وول وچ کراؤن کورٹ میں مقدمہ کی سماعت کے دوران جیوری نے ملزمان کو صرف املاک کو نقصان پہنچانے کے جرم میں قصور وار قرار دیا تھا۔ رپورٹنگ پابندیاں ختم ہونے کے بعد یہ بات سامنے آئی کہ عدالت سزا سناتے وقت مقدمے میں دہشت گردی سے تعلق شامل کرنے کی کوشش کرے گی۔ اس اقدام کے تحت ملزمان کو زیادہ سخت سزاؤں کا سامنا کرنا پڑ سکتا ہے۔ بیشتر کارکن پہلے ہی تقریباً اٹھارہ ماہ حراست میں گزار چکے ہیں۔ میڈیا پر پابندیوں کے باعث یہ انکشاف سامنے نہیں آسکا تھا کہ عدالت نے ملزمان کو اپنے اقدام کا جواز پیش کرنے سے روک دیا تھا۔ جس کی وجہ سے ملزمان یہ مؤقف پیش نہیں کر سکے کہ انہوں نے اسرائیلی فوج کے غزہ میں جرائم کو روکنے کیلئے کارروائی کی تھی۔
