Raza Musani 
تہران : بیلجئیم کے جوانوں نے ولی امر مسلمین آیت اللہ خامنہ ای کے نام جوابی خط لکھا ہے جس میں غزہ کے بارے میں یورپی اور امریکی طلباء کے مؤقف کی حمایت پر شکریہ ادا کیا ہے۔ خط میں یورپی جوانوں نے لکھا ہے کہ عدالت خواہی اور حقیقت کی جستجو کے بارے میں آپ کے خط سے ہم بہت متاثر ہوئے۔ غزہ کے بارے میں آپ غیر متزلزل مؤقف رکھتے ہیں جو دنیا کے لئے متاثرکن ہے۔ آپ نے دنیا کو درپیش چلینجز سے نمٹنے کے لئے انتھک کوششیں کی ہیں۔ جوانوں نے مزید لکھا کہ ہم اسلام کے بارے میں گہرائی سے مطالعہ کرنے کا عزم مصمم رکھتے ہیں۔ یورپ اور امریکہ میں طلباء کی طرف غزہ کے حق میں مظاہرہ کرنا اس بات کی نشاندہی کرتا ہےکہ مغربی جوان طبقہ دنیا میں رائج غیرمنصفانہ نظام سے آگاہ ہوچکا ہے اور اس مسئلے سے نمٹنے کے لئے ایک دوسرے سے تعاون اور تعمیری گفتگو کے لئے تیار ہیں۔
