Raza Musani 
یمن کی مزاحمتی تنظیم انصار اللہ کے اہم رہنما نے مختلف ممالک سے آکر مقبوضہ فلسطین میں آباد ہونیوالے صیہونی یہودیوں کو کہا ہے کہ اگر بقیہ زندگی سکون سے گزارنا چاہتے ہو تو جہاں جہاں سے آئے واپس اپنے ممالک کو لوٹ جاؤ۔ انصار اللہ کے سیاسی شعبے کے رہنما حزم الاسد نے سوشل میڈیا پلیٹ فارم ایکس پر مقبوضہ فلسطین کے میں آکر آباد ہونیوالے صیہونیوں کو مخاظب کرتے ہوئے اپنے ٹوئیٹ میں کہا ہے کہ اگر رات کو چین کی نیند سونا چاہتے ہو تو قبرص چلے جاؤ، یا جہاں سے بھی آئے ہو وہاں لوٹ جاؤ۔ انہوں نے لکھا ہے کہ جب تک صیہونی رجیم غزہ میں مظالم بند نہیں کرتی، اس وقت تک یمن سے مسلسل حملوں کی بندش کے بارے میں بھول جاؤ۔
واضح رہے کہ یمنی افواج غزہ جنگ سے لیکر اب تک مسلسل فضائی حملے جاری رکھے ہوئے ہیں اور باب المندب سے کسی بحری جہاز کو اسرائیل کی طرف جانے یا وہاں سے آنے کی اجازت نہیں دے رہی۔
