Raza Musani 
اسلام آباد: قومی اسمبلی نے چیف جسٹس کے اختیارات محدود کرنے کا قانون منظور کرلیا۔سپریم کورٹ پریکٹس اینڈ پروسیجر بل 2023 کو ایوان میں بھاری اکثریت سے منظور کیا گیا۔ حزب اختلاف اور حکومتی اراکین نے اس بل کی بھرپور حمایت کی جبکہ چند آزاد اراکین نے اسے عدلیہ پر قدغن قرار دیا۔ بل کے تحت چیف جسٹس انفرادی حیثیت میں کوئی فیصلہ نہیں کرسکیں گے۔ از خود نوٹس اور بنچ کی تشکیل کیلئے تین سینئر ترین جج منظوری دیں گے۔ ماضی میں جتنے بھی ازخود نوٹس لئے گئے ان کے متاثرین کو اپیل کا حق ملے گا اس طرح سابق وزیراعظم نوازشریف کے کیس ختم ہونے کی راہ ہموار ہوگئی۔ وزیرقانون اعظم نذیر تارڑ نے کہاکہ قانون سازی سےون مین شوکا خاتمہ ہوگا۔
