حج آپریشن کا آغاز، مختلف شہروں سے پروازوں کی روانگی

اسلام آباد: ملک بھر سے حج آپریشن کا آغاز ہوگیا ہے۔ لاہور سے پہلی پرواز 220 عازمین حج کو لے کر مدینہ پہنچ گئی۔ گورنر پنجاب بلیغ الرحمان نے لاہور ایئرپورٹ سے عازمین کو رخصت کیا۔اسلام آباد سے رات ساڑھے 3 بجے قومی ایئرلائن کی پرواز کے ذریعے 329 عازمین نے مدینہ منورہ کیلئے اڑان بھری۔ اسلام آباد سے دوسری پرواز صبح ساڑھے 8 بجے روانہ ہوئی۔ قومی ایئر لائن331 پروازوں کےذریعے 33 ہزارعازمین کو سعودی عرب پہنچائے گی۔پی آئی اے سرکاری حج اسکیم کے تحت15ہزار جبکہ پرائیوٹ آپریٹرز کے18ہزار عازمین کو سفری سہولیات فراہم کرے گی۔