Raza Musani 
تہران : ایران میں جان فداۓ ایران کے عنوان سے بڑے عوامی اجتماع کا آغاز ہوگیا ہے۔ جس میں خواتین، نوجوانوں سمیت لاکھوں افراد شریک ہیں۔ ملک بھر میں بھی اس مہم کے تحت بیک وقت اجتماعات منعقد کیے جارہے ہیں۔ تہران میں مرکزی ریلی امام حسین اسکوائر سے انقلاب اسکوائر تک نکالی گئی۔ ریلی میں تین لاکھ 13 ہزار افراد کی شرکت کا ہدف رکھا گیا۔ ریلی کے دوران ایرانی ڈرونز اور مقامی طور پر تیار کردہ بغیر پائلٹ طیاروں کی صلاحیتوں کے ایک حصے کو اجاگر کیا گیا ہے۔
صدر مسعود پزشکیان نے بھی مشقوں میں شرکت کی۔ اور عوام کی بھرپور شرکت کو قابلِ تعریف قرار دیا۔ مسعود پزشکیان کا کہنا تھا کہ عوام کی جانب سے ان مشقوں میں شرکت ملک کی آزادی اور سالمیت کے تحفظ کے لیے اجتماعی عزم کی علامت ہے۔ انہوں نے کہا کہ ایران کی عزت اور سربلندی کے تحفظ کے لیے اتحاد، یکجہتی اور عوامی شرکت ضروری ہے۔
