لاہور: پولیس اور پی ٹی آئی کارکنوں میں جھڑپیں، متعدد گرفتار

لاہور: لاہور میں پولیس تحریک انصاف کے کارکنوں پر ٹوٹ پڑی۔ درجنوں کو گرفتار کرلیا گیا۔ لاہور میں سابق وزیراعظم عمران خان کی ریلی کو روکنے کیلئے پولیس نےدفعہ 144 نافذ کردی اور جلسہ۔ جلوس اور ریلیوں پر پابندی عائد کر دی گئی۔ کینال روڈ سے زمان پارک کی طرف جانے والے تمام راستے بند کر دئیے گئے۔ ریلی میں آنے والے کارکنوں اور پولیس کےدرمیان جھڑپیں ہوئیں۔ پولیس نےشیلنگ اور واٹر کینن کا استعمال کر کے کارکنوں کو پیچھے دھکیل دیا۔ کارکنوں نے پولیس پر پتھراؤ کیا، متعدد کارکنوں کو گرفتار کرلیا۔ حکومت نے ریلی کی کوریج پر بھی پابندی لگادی۔ عمران خان کی تقاریر پر پہلے ہی پابندی عائد کی جاچکی ہے۔