Raza Musani 
کراچی : کراچی میں یوم عاشور پر جلوس میں وحدت کا عظیم الشان مظاہرہ کیا گیا جلوس کے دوران تبت سینٹر پر نماز ظہرین ادا کی گئی جس میں شیعہ، بریلوی، دیوبندی، اہلحدیث علما نے بھی شرکت کی اور تمام مسالک کے علما ایک صف میں کھڑے ہوگئے اور پاکستانی عوام کو یہ پیغام دیا کہ نواسہ رسول حضرت امام حسین (ع) کی ذات تمام مسلمانوں کے درمیان نکتہ اتحاد ہے۔ علامہ سید حیدر نقوی کی زیر اقتداء ادا کی گئی نماز میں شرکت کرنے والے اہل سنت علماء کے وفد کی قیادت متحدہ علماء محاذ کے بانی رہنما مولانا محمد امین انصاری نے کی جبکہ اس موقع پر سینئر سیاستدان فاروق ستار، ایم ڈبلیو ایم رہنما علامہ صادق جعفری، علامہ مبشر حسن اور آئی ایس او کراچی کے صدر بھی موجود تھے.
