Raza Musani 
کابل : کابل میں طالبان نے اعلیٰ تعلیم پر پابندی کیخلاف احتجاج کرنیوالی طالبات پر تشدد کیا اور پانچ کو گرفتار کرلیا۔ حجاب میں ملبوس دو درجن افغان خواتین نے کابل یونیورسٹی کے سامنے جمع ہوکر احتجاج کیا۔ طالبان نے مظاہرین کو منتشر کرنے کیلئے دھاوا بول دیا ۔ خواتین مظاہرین کو مارا پیٹا اور بعض طالبات کو گرفتار کرلیا۔ طالبان کے تشدد کی کوریج کرنے والے تین صحافیوں کو بھی حراست میں لے لیا گیا۔ حکام نے پانچ خواتین مظاہرین کو حراست میں لینے کی تصدیق کی ہے۔ طالبان انتظامیہ کا کہنا ہے کہ خواتین کو ڈریس کوڈ پر عمل نہ کرنے کی وجہ سے یونیورسٹی میں داخلے پر پابندی لگائی گئی ہے۔
