Raza Musani 
غزہ : غزہ میں صیہونی فوج کے وحشیانہ حملے جاری ہیں۔ تازہ حملوں میں پانچ صحافیوں سمیت دس فلسطینی شہید اور تیس زخمی ہوگئے۔ جنگی طیاروں نے نصیرات کیمپ میں العودہ اسپتال کے سامنے صحافیوں کی گاڑی پر بم برسادئے۔ اسرائیلی حملے میں پانچ صحافی شہید ہوگئے۔ صحافیوں کا تعلق القدس ٹی وی سے ہے جو اسپتال پر حملے کی کوریج کررہے تھے۔ صحافیوں میں فادی حصونا۔ ابراہیم الشیخ۔ محمد الاضیح۔ فیصل ابو القمسن اور ایمان الجادی شامل ہیں۔ صیہونی فوج نے حملے کی تصدیق کرتے ہوئے کہا ہے کہ اس نے اسلامی جہاد کے کارکنوں کو نشانہ بنایا ہے۔
ادھر غزہ سٹی میں میزائل حملے میں پانچ فلسطینی شہید اور تیس زخمی ہوگئے۔ کمال عدوان اسپتال کے قریب نصب بم کے دھماکے سے ایک خاتون نرس زخمی ہوگئی۔
غزہ کے شہری دفاع نے کہا کہ اسرائیلی فورسز رات کے وقت رہائشی عمارتوں پر حملوں میں اضافہ کر رہی ہیں۔ جس سے بہت سے لوگ مارے جا رہے ہیں۔
