Raza Musani 
غزہ : امریکی سرپرستی کے باعث اسرائیل کو عالمی عدالت انصاف کا فیصلہ بھی نہ روک سکا۔ صیہونی جنگی طیاروں نے دوسرے دن بھی رفح میں میزائل داغ دئے۔ جس سے رہائشی کمپلیکس میں آگ لگ گئی۔ حملے میں سات افراد شہید اور کئی زخمی ہوگئے۔ شمالی غزہ۔ البریج۔ دیرالبلاح ۔ نصیرات اور المغازی کمیپ پر گولہ باری اور فضائی حملے کئے گئے۔ چوبیس گھنٹوں کے دوران 75 حملوں میں 66 افراد شہید اور چار سو کے قریب زخمی ہوئے جبکہ 2 روز میں شہادتیں ڈھائی سو تک جاپہنچیں۔
اسرائیلی حملوں کے باعث رفح کا سب سے بڑا کویت اسپتال غیرفعال ہوگیا۔ 200 سے زائد مریضوں کی زندگیاں داؤ پر لگ گئیں۔ اسرائیلی حملوں کے بعد غزہ کے 36 میں سے 20 اسپتال بند ہوچکے ہیں جبکہ غزہ میں امدادی سامان نہ پہنچنے سے قحط کی صورتحال ہے۔
