Raza Musani 
غزہ کی پٹی پر اسرائیلی حملوں میں کم از کم پانچ فلسطینی شہید ہو گئے ہیں جن میں تین افراد دیر البلح، جبکہ دیگر خان یونس اور بیت لاہیا میں مارے گئے۔
رپورٹس کے مطابق وسطی غزہ کے شہر دیر البلح میں ایک کمیونٹی کچن کو نشانہ بنایا گیا، جہاں شہید ہونے والے تینوں افراد فلاحی ادارے کے کارکن تھے۔
دوسری جانب حماس نے اس حملے کو دانستہ جنگی جرم اور غزہ میں فلسطینی عوام کے خلاف جاری نسل کشی کا تسلسل قرار دیا ہے۔ حماس کے بیان میں کہا گیا کہ یہ سب کچھ ایسے وقت میں ہو رہا ہے جب عالمی برادری خاموش تماشائی بنی ہوئی ہے، جس کی وجہ سے اسرائیل کو اپنی کارروائیاں جاری رکھنے کی مزید حوصلہ افزائی مل رہی ہے۔ بیان میں کہا گیا کہ یہ اقدامات بین الاقوامی قوانین، اقدار اور انسانی اصولوں کی کھلی خلاف ورزی ہیں۔
