Raza Musani 
تل ابیب: اسرائیلی فوجی قیادت نے اعتراف کیا ہے کہ سات اکتوبر دو ہزار تئیس کے واقعات میں اسرائیلی فوج اپنی ذمہ داری پوری کرنے میں ناکام رہی۔ یہ بیان تل نوف ایئربیس میں فضائیہ کی کمان کی منتقلی کی تقریب کے دوران سامنے آیا۔ تقریب سے خطاب میں اسرائیلی آرمی چیف ایال زامیر نے واضح کیا کہ فضائیہ اور پوری اسرائیلی فوج دفاع کے اپنے بنیادی مشن میں ناکام رہی۔ انہوں نے کہا کہ یہ ناکامی فوجی ادارے کا پیچھا کر رہی ہے اور اس کے لیے ذمہ داری قبول کرنا اور جامع تحقیقات کا آغاز کرنا ناگزیر ہے۔
سبکدوش فضائیہ سربراہ ٹومر بار نے بھی اعتراف کیا کہ اس دن اسرائیلی فوج شہریوں کے تحفظ میں ناکام رہی۔ ان کا کہنا تھا کہ یہ واقعہ ہولوکاسٹ کے بعد اسرائیل کا سب سے بڑا سانحہ تھا اور اس کی ذمہ داری ان پر عائد ہوتی ہے۔ ٹومر بار نے واضح کیا کہ اصل حقائق سامنے لانے کے لیے ایک آزاد اور غیر جانبدار تحقیقاتی کمیشن ضروری ہے۔
