اسرائیلی بربریت جاری، ناصر میڈیکل کمپلیکس پر بمباری، صحافی سمیت 39 فلسطینی شہید

غزہ: صیہونی فوج نے خان یونس میں ناصر میڈیکل کمپلیکس پر ایک بار پھر بم برسادئے۔ صحافی حسن اصلاحی سمیت دو فلسطینی شہید ہوگئے۔ غزہ میں رات سے جاری حملوں میں مزید انتالیس فلسطینی شہید کردئے گئے۔ صیہونی فوج نے غزہ سٹی میں ایک اپارٹمنٹ پر بم برسادئے جس کے نتیجے میں متعدد شہادتیں ہوئیں۔ اسرائیلی توپ خانے نے مشرقی علاقوں کو نشانہ بنایا جہاں تین فلسطینی شہید ہوئے۔ اسرائیلی توپ خانے نے الزہرہ اسکول کے قریب تعلیمی مرکز پر گولہ باری کی۔ جس سے ایک خاتون کی جان گئی اور متعدد زخمی ہوئے۔ جبالیہ۔ نصیرات۔ خان یونس پر بھی گولہ باری اور فضائی حملے کئے گئے۔ صیہونی فوج نے حملوں کے دوران انتالیس فلسطینی شہید اور کئی زخمی کردئے۔