Raza Musani 
غزہ : صیہونی فوج نے غزہ سٹی میں دو اسکولوں میں قائم پناہ گزین کیمپوں پر حملہ کرکے پندرہ فلسطینیوں کو شہید کردیا۔ صیہونی فوج کے غزہ پر زمینی اور فضائی حملے جاری ہیں۔ صیہونی فضائیہ نے شمالی اور جنوبی غزہ میں دو اسکولوں کو حملے کا نشانہ بنایا جہاں پناہ گزینوں کی بڑی تعداد مقیم تھی۔ شہدا اور زخمیوں میں بیشتر خواتین اور بچے شامل ہیں۔
ادھر غزہ سٹی میں ایک مکان پر میزائل حملے میں چار فلسطینی جان سے گئے۔ ادھر رفح میں بھی فضائی حملہ کیا گیا جس میں چار فلسطینی شہید اور کئی زخمی ہوئے۔ صیہونی فوج نے محصور شمالی غزہ کے مختلف علاقوں پر جنگی طیاروں اور ڈرون سے حملے کئے۔
