Raza Musani 
غزہ : غزہ پر اسرائیلی حملے جاری ہیں۔ اسرائیلی فوج نے رفح میں خیمہ بستی کو کوارڈ کاپٹرز سے نشانہ بنایا۔ المغازی، دیرالبلاح میں شدید گولہ باری سے مزید اڑتیس فلسطینی شہید اور کئی زخمی ہوگئے۔ رفح میں مزاحمت کاروں اور صیہونی فوج میں شدید جھڑپیں جاری ہیں۔ جس میں تین اسرائیلی فوجی ہلاک اور کئی زخمی ہوگئے۔ صیہونی فوج شدید حملوں کے بعد مصر کی سرحد تک پہنچ گئی ہے اور اس نے مصر کے ساتھ غزہ کی پوری سرحد کا کنٹرول سنبھال لیا ہے۔ لڑائی کے باعث پناہ گزینوں کی نقل مکانی میں تیزی آگئی ہے۔ دس لاکھ سے زائد افراد رفح چھوڑ گئے۔ اسرائیل نے کہا ہے کہ تمام یرغمالی رفح میں موجود ہیں اور ان کی رہائی تک آپریشن جاری رہے گا۔
ادھر مغربی کنارے کے شہر نابلس کے مضافات میں فلسطینی شہری نے آباد کاروں پر گاڑی چڑھا دی۔گاڑی سے کچل کر دو اسرائیلی ہلاک ہوگئے۔
