غزہ پر اسرائیلی حملے، 17 فلسطینی شہید، 3 روز میں 200 شہادتیں، دنیا خاموش تماشائی

غزہ : غزہ پر رات سے جاری صیہونی فوج کے حملوں میں سترہ فلسطینی شہید اور چودہ زخمی ہوگئے۔اسرائیلی جنگی طیاروں نے شیخ رضوان محلے پر حملہ کرکے ایک ہی گھر کے چار فلسطینیوں کو شہید کردیا۔ جبالیہ میں ماں بیٹی۔ شمالی غزہ میں جڑواں بھائی۔ نصیرات میں طبی عملے کا رکن شہید ہوا۔ رفح اور مصباح محلے پر بھی حملہ کیا گیا۔
اسرائیلی جنگی طیاروں نے خان یونس میں پولیس اسٹیشن پر حملہ کردیا۔ تین دن سے جاری وحشیانہ حملوں میں دو سو سے زائد فلسطینی شہید ہوچکے ہیں۔ شہدا کی مجموعی تعداد پینتالیس ہزار 805 ہوگئی ہے۔ جبکہ ایک لاکھ نو ہزار سے زائد زخمی ہیں۔