Raza Musani 
اسلام آباد : پاکستان نے مقبوضہ فلسطینی علاقوں کی صورتحال پر تشویش کا اظہار کرتے ہوئے شہریوں پر مظالم کوانسانی حقوق کی خلاف ورزی قراردیا ہے۔ ترجمان دفتر خارجہ سے جاری بیان میں کہا گیا ہے کہ مسجدالاقصیٰ پر اسرائیلی حملے میں 152 فلسطینی زخمی ہوئے اسرائیلی افواج نے300 سے زائد فلسطینیوں کو گرفتار بھی کیا ہے۔ دفترخارجہ کا کہنا ہے کہ عبادت گزاروں پر قابل مذمت حملہ انسانی حقوق کی خلاف ورزی ہے حالیہ چند ہفتے میں اسرائیلی افواج نے درجنوں فلسطینیوں کا قتل عام کیا اسرائیلی افواج نےمشرقی یروشلم ودیگر علاقوں میں فلسطینیوں کو زخمی کیا۔ بیان میں کہا گیا ہے کہ اسرائیلی افواج کی جانب سےفلسطینی علاقوں میں تشدد کی مذمت کرتےہیں۔
