Raza Musani 
دمشق : اسرائیلی فوج نے ایک بار پھر شام پر میزائل حملہ کردیا۔ حملے میں دو شہری شہید اور کئی زخمی ہوگئے۔ صیہونی فوج نے دارالحکومت دمشق کے مضافات میں سیدہ زینب (س) کے مزار کے قریب ایک علاقے کو نشانہ بنایا۔ میزائل گولان کی پہاڑیوں کیجانب سے داغا گیا۔ حملے سے ایک عمارت کو نقصان پہنچا جس سے شہریوں کی اموات ہوئیں۔ شامی عہدیدار نے حملے کی تصدیق کرتے ہوئے کہا ہے کہ حملوں میں شام میں ایرانی فوجی مشیروں کے مرکز کو نشانہ بنایا گیا تھا لیکن شام میں ایران کے سفیر حسین اکبری نے ایکس پر ایک پوسٹ میں کہا کہ نئی اسرائیلی جارحیت میں کوئی بھی ایرانی فوجی مشیر ہلاک نہیں ہوا۔
