Raza Musani 
صنعا: یمن کی پارلیمنٹ نے اسرائیل، برطانیہ اور امریکہ کی قیادت کو دہشت گردوں کی فہرست میں شامل کردیا۔ یمن کے دارالحکومت میں ایوان نمائندگان کا اہم اجلاس ہوا۔ جس میں یمن کے خلاف امریکی اور برطانوی حملوں کی شدید مذمت کی گئی۔ ارکان نے سپریم لیڈر عبد المالک بدرالدین حوثی کی جانب سے غزہ کے مسلمانوں سے یکجہتی کی تعریف کی۔ ایوان نمائندگان نے امریکی اور برطانوی قیادت کا نام دہشت گردوں کی فہرست میں شامل کرنے کی قرارداد بھاری اکثریت سے منظور کرلی۔ ارکان کا کہنا تھا کہ اسرائیلی بندرگاہوں کی جانب جانے والے جہازوں پر حملے غزہ میں مکمل جنگ بندی تک جاری رہیں گے۔
