شام میں اسرائیلی فضائی حملے، 14 افراد شہید، 43 زخمی

دمشق : وسطی شام میں اسرائیلی فضائی حملوں میں 14 افراد شہید اور 43 زخمی ہوگئے۔ حملے میں طرطوس اور حما گورنری سمیت دیگر علاقوں میں فوجی مراکز کو نشانہ بنایا گیا ۔ شامی فضائیہ نے کچھ میزائلوں کو مار گرایا۔ حملوں میں زخمی افراد میں سے کچھ کی حالت تشویش ناک بتائی جارہی ہے۔ حملوں سے ہائی وے کو بھی نقصان پہنچا ہے جبکہ عمارتوں میں لگی آگ پر قابو پانے کے لیے فائر فائٹرز کام کر رہے ہیں۔