Raza Musani 
لندن : غزہ میں اسرائیلی اقدامات کو نسل کشی قرار نہیں دیا جاسکتا۔ برطانیہ اسرائیل کی حمایت میں کھل کر سامنے آگیا۔
فارن کامن ویلتھ اینڈ ڈیولپمنٹ آفس کے ترجمان نے کہا کہ ہم عالمی عدالت کے کردار اور آزادی کا احترام کرتے ہیں۔ لیکن ہمیں اس کیس کے بارے میں کافی تحفظات ہیں جو پائیدار جنگ بندی کے ہدف میں مددگار نہیں ہیں۔ ترجمان نےکہاکہ غزہ میں اسرائیل کے اقدامات کو نسل کشی کے طور پر بیان نہیں کیا جا سکتا۔ یہی وجہ ہے کہ ہم نے جنوبی افریقہ کے مقدمہ دائر کرنے کا فیصلہ غلط اور اشتعال انگیز قراردیا تھا۔ ترجمان نے عدالت کی جانب سے غزہ میں قیدیوں کی فوری رہائی کے مطالبے کا خیرمقدم کیا اور کہا کہ اسرائیل کو اپنے دفاع کا حق حاصل ہے۔
