Raza Musani 
دوحہ : غزہ میں جنگ بندی کی کوششوں میں تیزی آگئی ہے۔ اسرائیل مذاکرات کیلئے وفد دوحہ بھیجے گا۔ اسرائیلی وزیر اعظم بنیامین نیتن یاہو نے کہا کہ اسرائیل قطر میں جنگ بندی مذاکرات کے لیے اپنی جاسوسی ایجنسی موساد کے سربراہ ڈیوڈ بارنیا کی قیادت میں ایک وفد دوحہ بھیجے گا۔ اسرائیل کے شن بیٹ کی داخلی سلامتی ایجنسی کے سربراہ اور فوجی اور سیاسی مشیروں کو بھی قطر بھیجا جا رہا ہے۔ ادھر نیتن یاہو نے گذشتہ روز نومنتخب امریکی صدر ڈونلڈ ٹرمپ کے مقرر کردہ مشرق وسطیٰ کے ایلچی اسٹیو وٹ کوف سے ملاقات کی۔
اس سے پہلے وٹکوف نے قطر میں وزیر اعظم شیخ محمد بن عبدالرحمن الثانی سے ملاقات کی تھی۔امریکی ویب سائٹ ایکسیس نے تصدیق کی کہ ٹرمپ کے ایلچی غزہ ڈیل تک پہنچنے کے لیے بہت زیادہ دباؤ ڈال رہے ہیں ۔ وہ چاہتے ہیں بیس جنوری سے پہلے معاہدہ ہوجائے۔
