اسرائیل صفحہ ہستی سے مٹ جائے گا لیکن اس کے جرائم تاریخ میں زندہ رہیں گے، ولی امر مسلمین

تہران : ولی امر مسلمین آیت اللہ العظمی سید علی خامنہ ای نے کہا ہے کہ اسرائیل ایک دن صفحہ ہستی سے مٹ جائے گا لیکن فلسطینیوں کے خلاف اس کے جرائم کو یاد رکھا جائے گا۔ قم شہر میں ایک اجتماع سے خطاب میں ولی امر المسلمین نے کہا کہ اللہ کی مدد سے اسرائیل کے زوال، تباہی اور روئے زمین سے مٹ جانے کے بعد بھی اس کے جرائم تاریخ میں باقی رہیں گے۔ انہوں نے کہا کہ ایک دن آئے گا جب تاریخ کی کتابوں میں لکھا جائے گا کہ خطے میں حکومت کرنے کیلئے ایسے لوگ آئے جنہوں نے بہت سے جرائم کیے اور ہفتوں میں ہزاروں بچوں اور عورتوں کو قتل کیا۔ وہ لوگ جو واضح طور پر دیکھتے ہیں وہ طویل عرصے سے پیش گوئی کر رہے ہیں کہ اسرائیل کو شکست ہو گی اور فلسطینی فتح یاب ہوں گے۔ غزہ میں فلسطینیوں کی مزاحمت نے اسرائیل کو مایوس کردیا ہے۔