اسرائیل غزہ سے فلسطینیوں کا خاتمہ چاہتا ہے، خصوصی نمائندہ اقوام متحدہ

جنیوا : اقوام متحدہ کی فلسطین میں نمائندہ خصوصی فرانسیسکا البانیز نے اسرائیل پر نسل کشی کا الزام عائد کرتے ہوئے کہا کہ عالمی حکومتیں ہوش کریں۔ فرانسیسکا البانیز نے اپنے سوشل میڈیا پیغام میں لکھا کہ کچھ بھی کہہ دو کچھ ممالک کے حکام یہ تسلیم نہیں کریں گے کہ اسرائیل غزہ میں نسل کشی کررہا ہے۔ حتیٰ کہ آپ اسرائیلی حکام کے خطوط اور دستاویزات ہی کیوں نہ دکھا دیں جس میں نسل کشی اور قتل عام جیسے الفاظ ہوں۔فرانسیسکا نے نام لیے بغیر کہا کہ کچھ ممالک کے پاس تمام شواہد ہیں کہ اسرائیل غزہ میں کیا کررہا ہے اور کیا کرنے کا ارادہ رکھتا ہے لیکن وہ خاموش ہیں یا پھر ان کی رضامندی بھی اس میں شامل ہیں۔ دنیا کو جاگنا ہوگا اب بھی بہت دیر ہوچکی ہے لیکن ہم خاموش رہے تو شاید مکمل تباہی ہوجائے گی۔