دمشق پر اسرائیل کا میزائل حملہ پسپا

دمشق : شام کی فوج کے ایئرڈیفنس سسٹم نے صیہونی حکومت کے 8 میزائلوں کو آسمان میں ہی تباہ کردیا۔ شام کے امن سینٹر کے سربراہ اولگ ژوراولف نےایک بیان میں کہا ہے کہ 4 صیہونی جنگی طیاروں نے دارالحکومت دمشق کی الکسوہ کالونی پر گائیڈڈ میزائلوں سے حملہ کیا تاہم شام کی مسلح افواج نے صیہونی حکومت کے فائر کردہ آٹھوں میزائلوں کو تباہ کردیا۔ صیہونی حکومت نے شام کے ایئرڈیفنس سسٹم کو بھی مقبوضہ جولان سے زمین سے زمین پر مارکرنے والے 10میزائلوں سے نشانہ بنایا جس میں ایک فوجی جاں بحق اور پانچ زخمی ہوگئے۔ صیہونی حکومت نے حالیہ برسوں میں دمشق سمیت شام کے مختلف علاقوں کو بارہا فضائی حملوں کا نشانہ بنایا ہے جن میں سے اکثر حملے شام کے ایئرڈیفنس سسٹم نے ناکام بنا دیئے۔