Raza Musani 
تہران: اسرائیل نے ایران پر نئے حملے شروع کردئے۔ اہواز ،اصفہان ، بندر عباس اور خرم آباد سمیت کئی شہروں میں فضائی حملے کئے گئے۔ فضا زور دار دھماکوں سے گونج اٹھی ۔ مشرقی آذربائیجان پر حملوں میں تیس فوجی شہید اور پچپن افراد زخمی ہوگئے۔ ہلال احمر کا ایک رکن بھی مارا گیا۔ گورنر مشرقی آذربائیجان کے مطابق صوبے میں انیس مقامات کو نشانہ بنایا گیا۔ تبریز اور کنگان شہر میں ریفائنریوں پر بھی حملے کئے گئے جس سے آگ بھڑک اٹھی۔ مشہد میں ایرانی دفاعی نظام نے اسرائیلی حملہ ناکام بنادیا۔
اس سے قبل تہران پر حملوں میں بیس بچوں سمیت ساٹھ ایرانی شہید ہوئے جس سے شہدا کی مجموعی تعداد اٹہتر ہوگئی۔ اسرائیل نے ایران کے بیس کمانڈروں کو شہید کرنے کا دعویٰ کیا ہے۔ ایران نے دو اعلیٰ فوجی افسران، جنرل مہدی ربانی اور جنرل غلام رضا محرابی کی شہادت کی تصدیق کردی۔ شہدا میں تین جوہری سائنسدان بھی شامل ہیں۔
ایرانی سرکاری ٹی وی نے اسرائیل کے تازہ حملوں میں 3 ایرانی جوہری سائنسدان شہید ہونے کی تصدیق کی۔ ایرانی سرکاری ٹی وی کے مطابق اسرائیلی حملوں میں اب تک 9 جوہری سائنسدان شہید ہوچکے۔
ادھر اسرائیل کے تازہ حملوں کے بعد ایران نے بھی بڑی تعداد میں میزائل تل ابیب پر فائز کئے۔
