Raza Musani 
واشنگٹن: امریکا کی ڈیموکریٹک صدارتی امیدوار کملا ہیرس نے یہودی ووٹوں کی حمایت کیلئے اسرائیل کو اسلحہ فراہمی جاری رکھنے کا اعلان کردیا۔ صدارتی امیدوار نامزدگی کے بعد سی این این سے اپنے پہلے انٹرویو میں کملا ہیرس نے کہا کہ وہ اسرائیل کو ہتھیاروں کی ترسیل کو معطل نہیں کریں گی۔ انہوں نے سات اکتوبر کے حملے پر حماس کی شدید مذمت کی۔ تاہم اسرائیل کی حمایت کے ساتھ ہی کملا ہیرس نے تسلیم کیا کہ اس لڑائی میں کئی بے گناہ فلسطینی مارے گئے ہیں۔ انہوں نے جنگ بندی کا مطالبہ کیا۔ انہوں نے اسرائیل کے لیے اپنی حمایت کی تجدید کرتے ہوئے اس بات پر زور دیا کہ غزہ میں جنگ بندی کا معاہدہ اور قیدیوں کی رہائی ضروری ہے۔ لیکن انہوں نے یہ بھی کہا کہ اسرائیل کو اپنے دفاع کا حق حاصل ہے۔
