Raza Musani 
تل ابیب : امریکا ایران مجوزہ معاہدے پر اسرائیل میں تشویش کی لہر دوڑ گئی اور اس نے تیسری ممکنہ جنگ کی تیاریاں تیز کردیں۔ اسرائیلی میڈیا کے مطابق اسرائیل کی ہوم فرنٹ کمانڈ نے بتایا ہے کہ ایران کے ساتھ ممکنہ تیسری جنگ کی تیاریوں کا عمل جاری ہے۔ کیونکہ حالیہ جنگ میں اسرائیل کے اعلان کردہ اہداف حاصل نہیں ہوسکے۔
اسرائیلی نشریاتی ادارے کان کے مطابق فوجی افسران کا کہنا تھا کہ اس طرح تیاری کرنی ہے کہ ہوم فرنٹ سسٹم انتہائی مختصر وقت میں مکمل فعال ہو جائے۔
ادھر سی این این نے سیٹلائٹ تصاویر کے حوالے سے رپورٹ کیا کہ ایران بعض فوجی مقامات پر سرنگوں کو دوبارہ فعال یا کھولنے کی کوشش کر رہا ہے جس سے اسرائیلی حلقوں میں مزید تشویش پیدا ہوئی ہے۔
