Raza Musani 
غزہ : عید پر بھی اسرائیل درندگی سے باز نہ آیا۔ چوبیس گھنٹوں میں بیس فلسطینی شہید کردئے، جبکہ اسرائیلی وزیراعظم نے ستر فیصد غزہ پر قبضے کا حکم دے دیا۔
صیہونی فوج نے غزہ سٹی۔ الزیتون محلے۔خان یونس اور الشاطی میں ڈرون اور میزائل حملے کئے۔ حملوں میں رہائشی مقامات۔ خیموں اور پناہ گزین کیمپ کو نشانہ بنایا گیا۔ حملوں میں تیس سے زائد افراد زخمی ہوئے۔
ادھر صیہونی وزیراعظم نیتن یاہو نے نیوز کانفرنس میں کہا کہ اسرائیلی فوج غزہ میں حماس پر مسلسل دباؤ بڑھا رہی ہے اور اب تک پٹی کے ساٹھ فیصد علاقے پر کنٹرول حاصل کر چکی ہے۔ انہوں نے کہا کہ پہلے اسرائیلی فوج پچاس فیصد علاقے تک محدود تھی، تاہم اب فوجی کارروائیوں کو مزید وسعت دی جا رہی ہے۔ نیتن یاہو نے کہا کہ ان کی ہدایت ہے کہ غزہ کے ستر فیصد حصے پر کنٹرول قائم کیا جائے اور یہ عمل مرحلہ وار آگے بڑھایا جائے گا۔
