ایران کو باور کروادیا سعودیہ ہمارے لیے نو گو ایریا ہے، اسحاق ڈار

اسلام آباد: وزیر خارجہ اسحاق ڈار کا کہنا ہے کہ ایران کو باور کروا دیا ہے کہ دفاعی معاہدے کے باعث سعودی عرب ہمارے لیے نو گو ایریا ہے کہ کوئی بھی اس کی جانب آنکھ اٹھا کے نہ دیکھے۔ اسلام آباد میں بین الاقوامی پیغامِ اسلام کانفرنس سے خطاب میں اسحاق ڈار نے کہا کہ ایران پر اسرائیل حملے کرتا تھا ، جواب میں ایران مسلم ممالک پر حملے کر رہا تھا وہ کہتے تھے کہ امریکی اڈے ان کا ہدف ہیں۔ اسحاق ڈار نےکہا کہ پاکستان نے کوشش کی کہ یہ سب بند ہو۔ ساتھ ایران کو یہ بھی باور کروایا کہ سعودی عرب کے لیے پاکستانیوں کی جان بھی حاضر ہے۔ پاکستان اور سعودی عرب کا دفاعی معاہدہ اہم سنگِ میل ہے ۔ان کا کہنا تھا کہ امت کے مفادات کا تحفظ پاکستان کی ترجیح ہے ، سعودی عرب سمیت تمام مسلم ممالک سے اچھے تعلقات چاہتے ہیں۔