Raza Musani 
بغداد : عراق میں غیر ملکی فوجوں کی موجودگی پر برہم استقامتی تنظیموں نے امریکی فوج کے ساتھ ساتھ ترک فوجیوں کو بھی نشانہ بنانا شروع کر دیا ہے. صوبہ دھوک کے علاقے العمادیه میں ترکی کےغیر قانونی فوجی اڈے پر راکٹوں سے حملہ کیاگیا ہے۔ فوجی اڈے سیری پر 2 راکٹ داغے گئے۔ راکٹ حملوں سے ہونے والے جانی اور مالی نقصانات کے بارے میں مزید تفصیلات موصول نہیں ہو سکی ہیں۔ تاہم کہا جا رہا ہے کہ ایک راکٹ فوجی گاڑی پر لگا ہے۔ اس سے قبل بھی عراق میں ترکی کے فوجی اڈے کئی بار راکٹ حملے کا نشانہ چکے ہیں۔العمادیه کا شمار عراق کے ان علاقوں میں ہوتا ہے جہاں گزشتہ کئی سال سے ترکی کے فوجی اپنا غیر قانونی قبضہ جمائے ہوئے ہیں۔
