Raza Musani 
عراق : حشد الشعبی نےعراق کے تین صوبوں الانبار ، نینوا اور صلاح الدین میں داعش کو جڑ سے اکھاڑ پھینکے کیلئے بڑے پیمانے پر سیکیورٹی آپریشن شروع کردیا۔ حشد الشعبی کے شعبہ تعلقات عامہ کے بیان کے مطابق آپریشنز کمانڈ نے وزارت دفاع اور داخلہ کے یونٹوں اور فضائیہ کے تعاون سے تینوں صوبوں کو دہشت گرد گروہوں سے پاک کرنے اور ٹھکانوں کی تباہی کیلئے آپریشن شروع کیا ہے۔ آپریشن کا مرکز الجزیرہ الثرثار کے علاقے میں ہے۔ جوائنٹ آپریشنز کمانڈ کے بیان میں یہ بھی کہا گیا ہے کہ وہ اس آپریشن میں بڑے پیمانے پر حصہ لے گی اور الحضر کے جنوبی علاقوں میں، فرات کے شمال میں صحرائے الجزیرہ اور مغرب میں واقع وادی الثرثار کےعلاقوں کا فضائیہ اور فوج کے ہیلی کاپٹر کی حمایت سے احاطہ کرے گی۔ یہ آپریشن دہشت گرد گروہ پر فتح کے اعلان کے بعد داعش کے باقی ماندہ سیلوں کو تباہ کرنے کے لیے سب سے بڑے حفاظتی اقدامات میں سے ایک ہے۔
